Biejnë dakord për bashkëpunim dhe shkëmbim idesh për të mirën e të rinjve kamenicas

Kryetari i Komunës së Kamenicës, Kadri Rahimaj bashkë me drejtoreshën e Kulturës, Rinisë dhe Sportit, Rinë Matoshi-Huruglica dhe anëtarët e tjerë të kabinetit, janë pritur sot në takim nga përfaqësuesit e organizatës BONEVET.

Ata kanë diskutuar rreth mundësive të bashkëpunimit në të ardhmen dhe ofrimit të programeve që do të ndihmonin në zhvillimin e fëmijëve që tashmë janë e do të bëhen pjesë e klasave të BONEVET.

Nga afër kanë vizituar edhe objektin ku do të fillojnë punimet për parkun teknologjik.

“U dakorduam për bashkëpunim dhe shkëmbim idesh për të mirën e të rinjve kamenicas”-tha Kryetari Rahimaj. /2LONLINE/