Berivojcë: Përurohet rregullimi i shtratit i përroit dhe parku i fshatit

/2L ONLINE/ – Në praninë e qytetarëve të gjitha komuniteteve sot në fshatin Brerivojcë të Kamenicës u bë përurimi i rregullimit të shtratit të përroit dhe parkut. Projekti në fjalë është realizuar në kuadër të programit BE-së, “Kosova e bukur” e cila është financuar nga BE-ja,ndërsa realizimi është bërë nga Organizata Ndërkombëtare për Migrim(IOM) në bashkëpunim me Ministrinë e Punës dhe Mirëqenies Sociale,si dhe me participim të Komunës së Kamenicës,vlera e projektit është mbi 200.000 Euro. Ky fshat shumë etnik me marrëdhënie të mira ndëretnike është përfitues i shumë projekteve të realizuara të infrastrukturës.

Në përurim ishin të pranishëm ,zonja Poder nga zyra e BE-së, zv. ministri Qazim Rrahmani, kryetari Komunës z. Begzad Sinani, përfaqësuesit e IOM-it,nënkryetarët e Komunës z.Fatmir Matoshi dhe z.Dragisha Savic, drejtorët e drejtorive komunale, shoqëria civile etj.

Zonja Poder, njoftoi se deri më tani janë realizuar shumë projekte në Kosovë në të mirë të qytetarëve, për të cilat janë investuar 7 milion euro, ndërsa komunat kanë marrë pjesë me 1 milion euro, ndërsa mbi 400 mijë qytetarë të papunë ishin të punësuar përkohësisht,ky projekt është i treti që është realizuar në komunën tuaj,njëherazi i falënderoi të gjithë ata që kanë kontribuar në realizimin e këtij projekti, njëherit i porosisë që ta ruajnë dhe të jenë të përgjegjshëm për gjenerata e reja.

Zv. Ministri Qazim Rrahmani ,falënderoi BE-në e cila ka investuar në ato fusha të cilat janë në menaxhimin e kësaj ministrie. Në emër të komunitetit folën përfaqësuesit e tyre Xhevat Katrati, Vllastimir Jevtiq dhe në emër të komunitetit rom Ramiz Kryeziu. Këta i falënderuar kontribuesit për këtë projekt që i’a zbukuruan pamjen fshatit.

Kryetari i komunës së Kamenicës Begzad Sinani tha se, ideja për këtë projekt ka buruar nga komunitetet e këtij fshati me të cilët kemi zhvilluar kontakte të shumta, kryetari i premtoi qytetarëve se do të angazhohet që edhe pjesa e cila ka mbetur e pa rregulluar do të realizohet brenda këtij viti, njëherit do të vazhdojmë edhe me realizimin e projekteve të tjera për këtë fshat ./2L ONLINE/