Bëjnë homazhe te lapidarët e heronjve Xhelal Sopi dhe Avdi Xhaçku

Kryetari i Komunës së Kamenicës, Qëndron Kastrati së bashku me stafin e tij, sot kanë bërë homazhe tek lapidarët e dëshmorëve Xhelal Sopi në Petroc dhe Avdi Xhaçku në Hogosht.

Këto homazhe janë bërë për nder të 21 vjetorit të rënies së dëshmorëve Xhelal Sopi dhe Avdi Xhaçku.

I pari i komunës Qëndron Kastrati, ka thënë se këto homazhe janë bërë për ta nderuar veprën dhe sakrificën e dëshmorëve.

“Në Petroc e Hogosht, në 21 vjetorin e rënies së dëshmorëve Xhelal Sopi e Avdi Xhaçku, sot bëmë homazhe për të nderuar veprën e sakrificën e tyre. Të gjithë dëshmorët e martirët që s’janë sot në mesin tonë, janë themelet e forta për lirinë e shtetndërtimin”, tha Kastrati.