Begzad Sinanin tifoz i flaktë!

(2LONLINE) – Sot në Kamenicë në stadiumin e qytetit ” Agush Isufi “, do të luhet ndeshja e Javës së 15-të e Ligës së dytë (B), të futbollit, në mes KF Dardana e KF Vitia, e kreu i komunës së Kamenicës Begzad Sinani duket të jetë tifoz i flaktë, pasi përveç që do të jetë edhe vet në këtë takim ka ftuar edhe tifozerinë e KF Dardana, t’i përkrahin futbollistët e kësaj skuadre.

Sinani përmes një postimi në Facebook, ka kërkuar nga qytetarë të komunës së Kamenicës dhe sportistë që të jenë prezentë në ora:14:00 në stadiumin e qytetit ” Agush Isufi ” në Kamenicë ku do të luhet ndeshja futbollistike ndërmjet Kf.Dardana – Kf.Vitia e ku do të jetë edhe vet në mesin e simpatizantëve të këtij klubi të Kamenicës, për t’i dhënë kështu mbështetje futbollistëve për fitoren e radhës.

“Ne si komunë do të investojmë dhe do ti mbështesim të gjitha klubet në përmirsimin e kushteve për klubet në komunën tonë,ne kemi dorzuar projektin në Ministrinë e Kulturës,Rinisë dhe Sportit për rregullimin e stadiumit të qytetit do të jetë një stadium që do ti plotësojë kushtet dhe nevojat për shumë sportist,ku të rinjët do të kenë mundësi të shfaqin talentin e tyre dhe të arrijnë planet dhe sukseset”, ka thënë Sinani.

Ai i ka inkurajuar futbollistët për lojën e sotme duke u uruar sukses me besimin në fitore./2lonline/