Bedri Ajeti: Zëri i bashkëvendësve të mi do të dëgjohet aty ku merret vendimi

Bedri Ajeti është njëri nga kandidatet për Asamblenë Komunale të Gjilanit nga radhët e LDK-së, në zgjedhjet e tetorit.

Si kandidat për Asamblenë Komunale dhe njëkohësisht nënkryetar i Këshillit të Fshatit Lladovë, ai thotë se e ndjenë përgjegjësi të madhe që zëri i qytetarit, përkatësisht i bashkëvendëseve të tij të dëgjohet aty ku merret vendimi.

Ai tha se i ka hyrë kësaj gare pasi problemet që i kanë ngritur ndër vite, si për infrastrukturën, ujësjellësin, kanalizimin dhe investimet e nevojshme për zhvillimin e fshatit – fatkeqësisht janë refuzuar vazhdimisht nga qeverisja aktuale dhe se Gjilanit i duhen ndryshime.

“Banorët e Lladovës nuk kanë nevojë për premtime boshe, por për veprime konkrete. Ne do të vazhdojmë t’i kërkojmë dhe t’i mbrojmë të drejtat tona, sepse Lladova meriton më shumë. Unë jam i bindur se me angazhim, përkushtim dhe mbështetjen e qytetarëve, në rend të parë të bashkëvendësve të mi, do ta sjellim zhvillimin e munguar në fshatin tonë”, ka thënë Bedri Ajeti, kandidat i LDK-së për Asamble Komunale dhe në këtë drejtim, ai thotë se ka mbështetjen e plotë edhe të Arbër Ismajlit, kandidatit të LDK-së për kryetar komune.

Ai tha se nuk ka dyshim që Arbër Ismajli do të jetë kryetar i komunës dhe vet ai do ta ketë besimin e qytetarëve për të qenë asambleistë dhe se, së bashku do t’i realizojnë projekte që përmirësojnë jetën e qytetarëve kudo, përfshirë edhe në Lladovë. /2LONLINE/