BBC: Hungaria shqyrton mbylljen e kufijve!?

Hungaria ka kërcënuar me mbylljen e kufijve, në mënyrë që të parandalohet hyrja ilegale e kosovarëve përmes Serbisë, njofton BBC. Sipas këtij mediumi britanik, nga shtatori i vitit 2014, më shumë se 30 mijë njerëz janë kapur duke tentuar në këtë kalim.

Shumica janë migrantë ekonomikë, që tentojnë të ikin nga varfëria dhe papunësia në Kosovë, shkruan ndër tjerash BBC. Hungaria është destinacioni i parë i mijëra kosovarëve që po ikin nga Kosova, në kërkim të një jete më të mirë në Evropë. E gjithë kjo për shkakun se largimi më lehtë realizohet nga Serbia në Hungari e pastaj në Perëndim.