Basketboll në karroca: Sërish triumfojnë gjilanasit

/2L ONLINE/ – Në Dobrevë të Fushë Kosovës është mbajtur sot turneu memorial i basketbollit në karroca “Halit Ferizi”, në të cilin turne fitues doli ekipi i basketbollit “Drita” nga Gjilani.

Këtë turne e organizoi Drejtoria e Handikosit në Prishtinë e u sponsorizua nga Departamenti i Ministrisë së Rinisë dhe Sporteve të Republikës së Kosovës, e ku morën pjesë pesë ekipe të basketbollit në karroca të përcjellë nga mbi njëqind anëtar të Handikosit nga të gjitha vendet e Kosovës. Ekipet pjesëmarrëse në këtë garë ishin: Kbk “Drita” nga Gjilani. Kbk “Prishtina”, Kbk “Vllaznim”i i Gjakovës, Kbk “Marsi” i Prizrenit dhe Kbk “Trepça” e Mitrovicës.

Me vendin e parë dhe me epitetin e më të mirit u stolis si gjithherë Kbk “Drita’ nga Gjilani, vendi i dytë i takoi ekipit të Prishtinës, ndërsa vendi i tretë ekipit të Vllaznimit nga Gjakova. /2L ONLINE/