Bashkimi Evropian mbetet i përkushtuar për të përkrahur Kosovën”

Ministrja e Integrimit Evropian, znj. Mimoza Ahmetaj, u takua sot me shefen e Zyrës së Bashkimit Evropian njëherësh përfaqësuese e posaçme e BE-së në Kosovë, znj. Nataliya Apostolova. Me këtë rast Ministrja Ahmetaj shprehu përkushtimin e institucioneve të Kosovës për të zhvilluar bashkëpunimin me Zyrën e BE-së rreth avancimit të agjendës evropiane për Kosovën.

Ministrja Ahmetaj ka njoftuar znj. Apostolova për vizionin e sajë për të udhëhequr me procesin e integrimit evropian, resppsektivisht procesin e zbatimit të MSA-së rezultatet të së cilës vetëmse kanë filluar të formësohen. Dhe, meqë kjo është agjendë e reformave, në vijim pritet që ky proces të dinamizohet tutje. në mënyrë që të sjellë përfitime konkrete për qytetarët e Kosovës dhe më shumë informacion për njerëzit rreth zbatimit të MSA-së.

Sa i përket procesit të liberalizimit të vizave, Ministrja Ahmetaj potencoi domosdoshmërinë dhe nevojën e madhe për qytetarët e Kosovës që ky proces sa më parë të përmbyllet. Në anën tjetër lidhur me këtë çështje, znj. Apostolova potencoi se marrëveshja për demarkacion me Malin e Zi duhet të ratifikohet si dhe të vazhdoj lufta kundër korrupcionit dhe krimit të organizuar. Ajo shprehu se BE-ja vazhdon të jetë e gatshme ta ndihmoj Kosovën në këtë proces.

Poashtu, bashkebiseduesit diskutuan për programet e BE- së si një nga instrumentet kyçe për të përafruar Kosovën me bashkimin Evropian dhe për të bërë ndërlidhje më të fuqishme ndërmjet qytearëve, shoqërisë civile dhe komunitetit të biznesit.

Shefja e Zyrës së BE-së në Kosovë njëherësh përfaqësuesja e Posaçme e BE-së, znj. Nataliya Apostolova e uroi Ministren Ahmetaj për përgjegjësinë e re për të udhëhequr me procesin e integrimit Evropian ku nënvizoi rëndësinë e emërimit të Ministres sa i përket koordinimit dhe avancimit të agjendës evropiane në të gjitha ministritë..

Poashtu, potencoi se: “Bashkimi Evropian mbetet i përkushtuar për të përkrahur Kosovën në rrugën e sajë evropiane dhe pres të punojmë bashkërisht në avancimin e sajë, në mënyrë të posaçme në zbatimin e MSA-së dhe komunikimin e agjendës së BE-së te qytetarët e Kosovës”;;, tha ndër të tjera znj. Apostolova.