Në kuadër të planit të bashkëpunimit dypalësh në fushën e mbrojtjes në mes të Ministrisë së Mbrojtjes së Republikës Shqipërisë dhe Ministrisë së Mbrojtjes të Republikës së Kosovës, zëvendës komandanti i KL-së, Kolonel Avdi Raci me stafin ka realizuar vizitë në Forcat e Armatosura të Republikës së Shqipërisë për jetësimin e Binjakëzimit të njësive në mes Komandës së Logjistikës (KL/FSK) me Komandën e Mbështetëse (KM/FARSH).
Gjatë vizitës u mirëpritën nga Shefi i Shtabit të FARSH, Gjeneral Major Arben Kingji ku është biseduar për fushat e interesit të përbashkët në aspektin logjistik: transport, furnizim dhe mirëmbajtje, avancimin e raporteve dhe krijimin e një plani të përbashkët për binjakëzimin e njësive, si dhe realizimin e vizitave bilaterale nga të dyja palët me qellim të identifikimit të kërkesave dhe nevojave që ndihmojnë në zhvillimin e kapaciteteve operacinale logjistike.
Në Komandën e Mbështetjes, është zhvilluar takimi me Komandantin e Komandës Mbështetëse Gjeneral Brigade Ferdinad Dimo dhe stafin e tij, ku është bërë prezantim për historikun, misionin, detyrat, strukturën organizative dhe operacionet e Komandës Mbështetëse, gjithashtu nga gjeneral Dimo është premtuar mbështetja për realizimin trajnimeve që lidhen me misionin dhe detyrat e Komandës së Logjistikes. /2LONLINE/
