Barazojnë Gjilani – Llapi

SC Gjilani nuk ka arritur të sigurojë më shumë se një barazim me Llapin, ndeshje kjo e javës së 11-të, e Superligës së Kosovës në Futboll, duke e arkëtuar vetëm  1 pikë, për të grumbulluar 18 sosh, që e pozicionojnë për momentin në pozitën e tretë të tabelës së klasifikimit.

Kryetrajneri i skuadrës gjilanase “kuq e bardh”, Zekiria Ramadani, që mori timonin e skuadrës tashti së fundi, e nisi me fitore duke e mundur Feronikelin, porse sot  siguroi vetëm një barazim me Llapin, një tregues i  mirë ky se kjo nismë nuk përkon me synimet që i ka klubi në rrugëtimin e saj drejt realizimit te objektivave.

I duhet Zekirija Ramadanit të marr masa, të gjej rrugën e duhur me këtë skuadër që e ka, tani për tani, nëse objektivat e skuadrës duhet arritur. Nëse lëshohen pikë nga Llapi, që është në pozitën e parafundit në tabelë, rrugëtimit do të jetë i vështirë kur skuadrën “kuq e bardh” e presin duelet me skuadra më të forta, e sidomos me ato pretendente për titull apo pozitat në tabelë që e sigurojnë Europën.

Përndryshe, kur jemi te ndeshja e sotme, pas shumë përpjekjeve të skuadrës gjilanase, rezultati u zhbllokua tek në minutën e 70-të të takimit, ku Ardian Limani shënoi një gol të bukur, për avantazhin e Gjilanit ndaj skuadrës së Llapit.

Por, në minutë ne 87-të të takimit, Llapi barazoi përmes futnollsitit Arbnor Aliu. 

Rezultati 1:1, ishte përfundimtar i këtij takimi që mundësoi nga një pikë për të dyja skuadrat. 

Përndryshe, Gjilani në javën e ardhshme luan si mysafire me Dukagjinin.  /2LONLINE/