Banorët e Tërstenikut në mbështetje të kompanisë “Eco Higjiena” pastrojnë fshatin

/2L ONLINE/ – Në kuadër të muajit të pastrimit që komuna e Vitisë e ka shpallur muajin prill, në fshatin Tërstenik është organizuar një aksion vullnetar nga banorët e këtij lokaliteti për largimin e mbeturinave. Gjatë këtij aksioni janë larguar edhe deponitë e egra që për një kohë ishin kërcënim për shëndetin e banorëve.

Ky aksion është mbështetur nga kompania regjionale “Eco Higjiena” e cila ka mundësuar eliminimin e deponive të egra përmes makinerisë së rëndë, si dhe ka angazhuar punëtorët e saj. Po ashtu, kjo kompani, ka siguruar edhe ushqimin për gjithë pjesëmarrësit e aksionit të pastrimit në Tërstenik. /2L ONLINE/