Ballkani kampion, Drita si e dyta dalje në Evropë, e aty do ta kemi edhe Gjilanin, i treti në tabelë

Sot janë zhvilluar të gjitha ndeshjet e javës së 35-të të Superligës së Kosovës në futboll, ku Ballkani me fitore dhe humbja e Dritës, e ka bërë skuadrën nga Suhareka të sigurojë titullin e kampionit një javë para përfundimit të kampionatit.

Ballkani tani më  ka siguruar titullin e Kampionit të Kosovës, pasi të shtunën mundi Ferizajn, (2:0), ndërsa Drita që po e ndiqte pas, humbi si vendës ndaj Malishevës (0:1). Epilogu i këtyre skuadrave në xhiron e fundit nuk do të ndërrojë asgjë.

Ceremonia e ndarjes së titullit të kampionit për Ballkanin do të organizohet në xhiron e fundit në ndeshjen Gjilani-Ballkani.

Ndërsa, Gjilani me barazim si mysafirë ndaj skuadrës së Llapit ka siguruar pjesëmarrjen në garat e evropiane, aty ku synon edhe Dukagjini apo Prishtina si skuadra e katërt.

Përndryshe, Trepça ’89 dhe Ferizaj do të “luftojnë” në javën e fundit për t’i ikur rënies nga Superliga.

Ja epilogu i të gjitha ndeshjeve të javës së 35-të.

Java 35-të

Ballkani  – Ferizaj  2 – 0

Drita  – Malisheva 0 -1

Llapi  – Gjilani   2 – 2

Prishtina  – Drenica  4 – 1

Dukagjini – Trepça’89  3 – 1