Kefiri është një bakter natyral i cili shndërron qumështin në kos. Temperatura e qumështit duhet të jetë nga 13-20°C dhe koha e pritjes varion nga 24 në 48 orë. Shumë studiues kanë konstatuar efektet pozitive kuruese të kefirit për shumë sëmundje si tbc, sëmundje nervore, tëmthit fshikëzës së urinës etj..
Kefir e ka zanafillën e vet në Kaukaz. Për ta pregatitur, si fillim duhet të siguroni kokrrat e kefirit, nga persona që i kultivojnë, ose mund t’i blini në internet.
Merret një vazo qelqi me kapak dhe në të përzihet qumësht me temperature ambienti me bazën e kefirit. Kjo përzierje lihet të paktën 24 orë në temperaturë ambienti. Ditët e para do të jetë më i lëngshëm, por dalëngadalë cilësia e tij do të përmirësohet. Fermentimet e këtij kosi janë natyrore dhe tejet të dobishme për organizmin tonë. Shërbejnë si stimuj të tretjes.
Ja disa sëmundje në të cilat përdorimi i kefirit do të japë rezultate pozitive:
Nervat dhe pagjumësia:- këshillohet të pihet një gotë kefir në darkë
Bronkiti, astma, sëmundjet e zorrës së trashë- këshillohet gjysmë litër kefir në ditë
Anemia- 1 litër kefir në ditë
Ekzema- shërohet duke pirë dhe duke lyer njëkohësisht plagën çdo mbrëmje me kefir. Në mëngjes do të pastrohet dhe në mbrëmje do të lyhet përsëri.
Ndihmon në ngadalësimin e sklerozës kur kjo është në fazë të avancuar dhe përmirësimin e saj në fazat fillestare.
Kapsllëku- shërohet duke pirë një gjysmë litër kefir të ardhur gjatë 10 orëve, pihet para gjumi për 3-4 ditë
Diarreja- shërohet duke pirë kefir 48 orësh, 1litër dhe më pas duke pirë gjysmë litër kefir 24 orësh.