Bajram Isufi: Parkingu i NPL Tregu, hapësirë e barabartë për të gjithë

“Krahas pjerrinave të krijuara në hyrje dhe dalje të hapësirave të Tregut, këto ditë kemi krijuar edhe vende të veçanta parkimi dhe qasje më të lehtë për personat me nevoja të veçanta, duke mundësuar kushte dhe mundësi të barabarta për të gjithë blerësit, pa dallim”, është shprehur Bajram Isufi. Kryeshef Ekzekutiv i Ndërmarrjes Publike Lokale “Tregu”, Gjilan.

Sipas Isufit, për të gjithë qytetarët me nevoja të veçanta, parkingu i NPL Tregu do të jetë në shfrytëzim pa pagesë, me paraqitjen e dëshmisë përkatëse për personat me nevoja të veçanta.

“Kjo është një tjetër hap drejt krijimit të një hapësire më të qasshme, më funksionale dhe më gjithëpërfshirëse për të gjithë qytetarët. Ju falënderojmë për vizitat në hapësirat e Tregut dhe ju mirëpresim me dashamirësi”, ka thënë Bajram Isufi. Kryeshef Ekzekutiv i NPL “Tregu”.  /2LONLINE/