Babadimri në mesin e filloristëve në Muçivërc të Kamenicës

Në kuadër të aktiviteteve të shumta të shpërndarjes së dhuratave për Vitin e Ri, nga organizma të ndryshëm, qofshin institucione publike a private, OJQ e organizata të tjerë, një aktivitet të tillë është bërë edhe në shkollën fillore “17 Shkurti”, në fshatin Muçivërc të Kamenicës.

Babadimri erdhi në këtë fshat , të cilën e sollën rotarianët e Kamenicës dhe rotarianët e Gjilanit, që së bashku sollën dhurata për Vitin e Ri, për të gjithë nxënësit e kësaj shkolle fillore.

Ky aktivitet u sponsorizuar nga ndërmarrja “Royal Thaqi”, drejtuesit e të cilës thanë se ishte kënaqësi e madhe të shohësh gëzimin e të gjithë fëmijëve të cilët kënduan këngë dhe recituan vjersha për Babadimrin dhe Vitin e Ri!