Azizi: Rrëmujë, kalo nëse mundesh me kalue!

(2L ONLINE) – Kjo pamje në ktë fotografi është regjistruar prapa ndërtesës 13-të katërshe (Soliteri), që ndodhet në qendër të Gjilanit. Ismet Azizi, banues në këtë ndërtesë thotë se kjo është një rrëmujë që është bërë përftishmëri.

“Mos dhashtë zoti me kërkue dikush ndihmën e shpejt, apo ndonjë intervenim të zjarrfikësve. Drejtoria për shërbime publike, Drejtoria për siguri dhe emergjencë, Policia dhe organe tjera komunale duhet ti qelin sytë sa nuk është bërë vonë. Qeveria e kaluar komunale patëm shpresua se ka bërë punë të mirë në fasadimin e objekteve nga brenda dhe jashtë por me këtë si e ka lënë këtë hapësirë, si duket e askujt, banorëve të kësaj pjese po ju sjell kokëçarje dhe rrezik për jetë”, thotë Azizi.

Sipas tij, kjo rrëmujë është për çdo ditë në këtë vend.

“Kjo hapësirë, sipas të gjitha gjasave nuk është publike, sepse komuna do ta merrte nën menaxhim, por është hapësirë e ndërtesës banesore “Soliteri”. Kjo hapësirë nuk menaxhohet nga askush. Shpresoj të jem gabim”, thotë Azizi i cili kërkon ndihmë në këtë drejtim që kjo problematikë të zgjidhet e tejkalohet. /2L ONLINE/