Azemi: Qendra e Numërimit në Gjilan nuk i plotëson as kushtet minimale për punë

Ardian Azemi, Sekretari i Përgjithshëm i Aleancës për Ardhmërinë e Kosovës (AAK), Dega në Gjilan, ka thënë se Qendra e Numërimit në Gjilan nuk i plotëson as kushtet minimale për punë, duke krijuar një imazh skandaloz—komisionerë të mbështjellë me qebe, duke numëruar vota në kushte të mjerueshme.

“Prej kohësh dihet që numërimi i votave për kandidatët bëhet ndryshe, por organizatorët as që janë munduar të bëjnë përgatitjet më elementare. Sikur të mos mjaftonte kaosi procedural, moti i ftohtë në shkurt ishte një fakt i njohur, por prapëseprapë askush nuk mori masa. Ky është një dështim i paralajmëruar”, ka thënë Azemi.

Sipas tij, organizimi i zgjedhjeve nuk ka qenë më i dobët asnjëherë më parë.

“Kurrë më parë rezultatet nuk kanë qenë më të dyshimta. Nëse ky është standardi i ri i zgjedhjeve, atëherë demokracia është në rrezik”, ka thënë Ardian Azemi, Sekretari i Përgjithshëm i AAk-së, Dega në Gjilan.  /2LONLINE/