Azemi: Me pushtet arrogant e opozitë të heshtur, Gjilani është në rënie të lirë!

Ardian Azemi, Sekretari i Përgjithshëm i Aleancës për Ardhmërinë e Kosovës (AAK), Dega në Gjilan, ka thënë se na ndajnë vetëm pak muaj nga zgjedhjet e rregullta lokale, që do të thotë se po përfundon një mandat katërvjeçar, ndërsa Gjilani mbetet komuna më e pazhvilluar në vend.

“Biznese të mbyllura, lokale që zbrazen, rini që sheh të ardhmen në Evropë, asnjë projekt madhor, pa infrastrukturë, pa autostradë, pa stadium, me pushtet arrogant e opozitë të heshtur – Gjilani është në rënie të lirë”, ka thënë Ardian Azemi.

Ai shtoi se të dhemb për këtë vend, për këta qytetarë, dhe të trishton rruga kah po shkon Gjilani.

“Nëse nuk e ndalim sot të keqen, nesër do të jetë shumë vonë! Vota me inate, pa analizë e pa arsye është votë kundër vetes, një shigjetë e drejtuar drejt nesh”, ka thënë Azemi i AAK-së.  /2LONLINE/