Avokati i Përgjithshëm i Shtetit vizitoi komunën e Vitisë

/2L ONLINE/ – Zv. kryetari i komunës së Vitisë Hasan Aliu, ka pritur sot në një takim Avokatin e Përgjithshëm të Shtetit Heset Mazrekaj, me të cilin ka biseduar për mundësitë e bashkëpunimit ndërmjet këtyre institucioneve për të mirën e qytetarëve dhe të institucioneve.

Fillimisht zv. kryetari Aliu e njoftoi me punën, të arriturat dhe sfidat e Institucioneve komunale, si dhe për planet në të ardhmen. Ai ka vlerësuar vizitën që Avokati Mazrekaj ka zgjedhur për ti bërë Vitisë dhe ka shpreh gatishmërinë e bashkëpunimit të ngushtë mes këtyre dy Institucioneve.

Ndërsa Avokati Mazrekaj e ka njoftuar nënkryetarin Aliu me rolin, detyrat dhe funksionimin e Zyrës së avokatit të shtetit, duke theksuar se është i domosdoshëm bashkëpunimi i kësaj zyre me avokatët komunal. Në takim është thënë se në të ardhmen avokatët e komunave do të jenë nën mbikëqyrjen e Avokatit të Përgjithshëm të Shtetit, me qëllim të koordinimit të punëve dhe veprimeve për të mbrojtur institucionet shtetërore dhe publike./2L ONLINE/