ATK kërkon nga tatimpaguesit të kenë kujdes ndaj mashtrimeve përmes SMS-ve

Administrata Tatimore e Kosovës njofton tatimpaguesit se SMS-të që po qarkullojnë në emër të ATK-së, lidhur me rimbursimin e tatimit, nuk janë mesazhe të dërguara nga institucioni.

Në njoftimin e ATK-së thuhet:

Lusim të gjithë tatimpaguesit të jenë të kujdesshëm dhe të mos bien pre e këtyre dezinformatave.

Mos klikoni në linqe të dyshimta dhe mos ndani të dhëna personale apo të dhëna të llogarive bankare përmes këtyre mesazheve.

Çdo informacion, njoftim apo komunikim zyrtar nga ATK transmetohet vetëm përmes kanaleve zyrtare të institucionit.

Ju bëjmë thirrje të verifikoni çdo informacion përmes burimeve zyrtare të ATK-së.   /2LONLINE/