Ata që përdorin barna për tension, të mos pinë çaj të gjelbër

Çaji i gjelbër mund të ndikojë në efektin e beta-bllokuesve, barnave që merren për kontrollimin e shtypjes së gjakut te personat me tension të lartë.

Shkencëtarët japonezë kanë zbuluar se çaji i gjelbër bllokon veprimin e qelizave të cilat në kushte normale ndihmojnë gjatë absorbimit të këtyre barnave.

Studimet e mëparshme kanë treguar se edhe konsumimi i grejpfrutëve mund të ndikojë në efektet e barnave, mes tyre edhe të beta-bllokuesve.

Sipas ekspertëve, vetëm disa filxhanë me çaj të gjelbër mund të dobësojnë dukshëm veprimin e beta-bllokuesve.

Prandaj, personave me tension të lartë të gjakut, të cilët i përdorin këto barna, u rekomandohet që të mos pinë çaj të gjelbër së paku katër orë para marrjes së tabletave.

KOMENTE