Astrit Thaqi i bashkohet Gjilanit
Sport Club Gjilani ka zyrtarizuar, pjesë të saj, mbrojtësin qendror Astrit Thaqin, i cili nga sot bëhet pjesë e familjes kuqebardhë!
“Thaqi, një futbollist me përvojë të pasur në elitën e futbollit kosovar, vjen nga radhët e FC Ballkani, ku ka qenë pjesë e suksesit historik të klubit në garat vendore dhe ndërkombëtare. Përveç Ballkanit, ai ka mbrojtur ngjyrat edhe të Feronikelit dhe Dritës, duke dëshmuar vlera të larta profesionale në çdo fanellë që ka veshur”, thuhet në njoftimin e klubit gjilanas.
Më tej thuhet se Thaqi me karakterin e tij luftarak dhe aftësitë e dëshmuara në qendër të mbrojtjes, pritet të jetë një shtyllë e rëndësishme për ambiciet e klubit në sezonin e ri.
“Mirë se vjen në Gjilan, Astrit Thaqi! Suksese të përbashkëta na presin”, thuhet në urimin mikpritës të SC Gjilanit. /2LONLINE/