As “Skënderbeu” nuk po mund t’i bashkojë shqiptarët!

/2L ONLINE/ – Serbia po e përçan e po e sundon Kosovën Lindore. Rasti i fundit, ku asamblistët shqiptarë i qëndruan besnik koalicionit me partitë lokale serbet në Komunën e Bujanocit, është me të vërtetë një gjest i keq për politikën shqiptare në Kosovën Lindore, ku sheshi i qytetit, që ishte propozuar të quhej sheshi “Skënderbe”, me votat e delegatëve shqiptarë mbeti edhe për një kohë të quhej “Karagjorgjeviq”.

Kështu ka thënë për Portalin 2L ONLINE. Kushtrim Kadriu, nga Lëvizja Qytetare Vatra, sipas të cilit është shumë e çuditshme dhe tepër jonormale që shqiptarët të mos dalin me një emër të unifikuar, e edhe më keq që emri i Skënderbeut nuk i bashkon shqiptarët dhe për faj të tyre triumfon emri i mbretit serb Karagjorgjeviq.

“Por, sido që të jetë, krejt kjo është pasojë e mos bashkimit të politikanëve dhe partive shqiptare në mes vete, e këtë, më së miri po e shfrytëzon Serbia, përçajë e sundo Pra, është momenti i fundit që politika qeveritare e Republikës së Shqipërisë të intervenoi dhe të zbatoi obligimin e sajë kushtetues, që të përkujdeset për shqiptarët e mbetur jashtë trojeve të veta. Ajo duhet të mbledhë spektrin politik dhe të bëjë një listë të përbashkët shqiptare, në mënyrë që të mos i kemi këto përçarje në mes politikës shqiptare, e mbi të gjitha në mes të vëllezërve, e në këtë mënyrë, të mos ia mundësojmë Serbisë t’i arrijë qëllimet e saja dashakeqe ndaj Kosovës Lindore”, ka thënë Kadriu.

Sipas tij, ky akt, duhet të jetë akti i fundit i i kësaj përçarje dhe të shërbejë si pikë kthese në fillimin e unifikimit të faktorit politik shqiptar në Kosovën Lindore, duhet të jetë një pikë shtesë e tërheqjes së vëmendjes nga politika zyrtare e Republikës së Shqipërisë për këtë pjesë, duke intervenuar në krijimin e një stabiliteti politik afatgjatë në mes të spektrit politik shqiptarë atje. /2L ONLINE/