Arta Haziri Nuhiu: Workshop i paharrueshëm me Zina Zdrava!

“Patëm kënaqësinë të ndjekim një workshop unik të udhëhequr nga mentorja jonë e veçantë, Zina Zdrava, një profesioniste dhe mjeshtre e zërit”, ka thënë Arta Haziri Nuhiu, drejtoreshë e QKA “Mollëkuqet” & “Rising Stars”.

Në këtë sesion, pjesëmarrësit patën mundësi të mësojnë dhe praktikojnë: Punën me diafragmën – si bazë e frymëmarrjes dhe fuqisë vokale, Teknikën vokale – për artikulim të qartë dhe zë të qëndrueshëm, Paraqitjen skenike – për të komunikuar me publikun me siguri dhe karizëm.

Përndryshe, Arta Haziri Nuhiu, e cila tashmë është edhe një anëtare e dëshmuar e shumë jurive nëpër shumë Festivale prestigjioze, ka thënë se ky workshop ishte një eksperiencë frymëzuese dhe praktike që na kujtoi sa i rëndësishëm është zëri si mjet shprehës dhe profesional.

“Falënderim i veçantë për Znj. Zina Zdrava për ndarjen e diturisë dhe pasionit të saj, si edhe për gjithë pjesëmarrësit që e bënë këtë workshop kaq të veçantë”, ka thënë ajo.  /2LONLINE/