Arrestohet për shkaktim të rrezikut të përgjithshëm në komunikacion

Në “Rrugën e Kumanovës, në Gjilan, është arrestuar i dyshuari, mashkull kosovar, për shkak se i njëjti kishte ikur nga vendi i ngjarjes duke mos u ndalur në pikën e kontrollit të policisë.

“I dyshuari, gjatë ikjes disa herë ka goditur veturën zyrtare të policisë e cila ishte në ndjekje të tij, me ç’rast lëndime trupore kanë pësuar katër zyrtarë policorë që ndodheshin në veturë”, thuhet në njoftimin e policisë.

Lidhur me rastin, personi i dyshuar është ndaluar nga njësia policore dhe i njëjti është futur nën kontroll.

Zyrtarët policorë dhe dy personat që ishin në veturë kanë pranuar trajtim mjekësor, ndërsa me vendim të prokurorit i dyshuari është dërguar në mbajtje.  /2LONLINE/