Arrestohet për posedim të substancës narkotike

Ismet Hashani, zëdhënës i Policisë së Kosovës (PK), në Drejtorinë Rajonale në Gjilan ka njoftuar për një rast në Gjilan, në Dardania II, ku njësitet antidrogë nga shtabi qendror që vepron në Gjilan, gjatë kryerjes së detyrave zyrtare, kanë takuar të dyshuarin, shtetas i Kosovës, me që rast në të njëjtin vend janë gjetur 4 qese me 9.8 gram substancë narkotike që besohet të jetë e llojit marihuanë.

Sipas tij, i dyshuari është arrestuar nga Policia e Kosovës, njësitet antidrogë, dhe është intervistuar . Lidhur me rastin është njoftuar Prokurori i shtetit i cili ka urdhëruar që rasti të hetohet tutje nga organet përkatëse deri në zbardhjen e plotë të tij.