Arrestohet pasi dyshohet t’i ketë rënë shqelm në fytyrë, babës tij

/2L ONLINE/ – Policia e Kosovës në Gjilan është njoftuar për një rast të klasifikuar si “Dhunë familjare”, ku nga hetimet e para në vendin e ngjarjes, besohet se deri te incidenti të ketë ardhur kur i dyshuari L. K. (1994) derisa ka qenë në shtëpinë e tij, fillimisht kishte pasur një konflikt verbal me prindin e tij, përkatësisht ankuesin-babanë e tij, dhe gjatë fjalosjes, i dyshuari ishte bërë agresiv me ç’rast dyshohet se e ka goditur me shqelm në fytyrë, prindin, ku edhe i ka shkaktuar lëndime trupore.

Ismet Hashani, zëdhënës i Policisë së Kosovës (PK), në Drejtorinë Rajonale në Gjilan ka thënë se si pasojë e lëndimeve të marra, viktimës i është ofruar ndihma mjekësore në Emergjencën e Spitalit Rajonal në Gjilan. I dyshuari është intervistuar në prezencën e avokatit mbrojtës dhe pas intervistimit me vendim të Prokurorit të Shtetit është ndaluar në qendrën e mbajtjes për 48 orë. /2L ONLINE/

/fotoilustruese/