Arrestohet i kërkuari me urdhëresë gjyqësore i dyshuar për disa raste të “Vjedhjeve të rënda”

Sot më datë 14.08.2024 rreth ora 10:30, Drejtoria Rajonale e Policisë – Gjilan Njësiti i hetimeve nga stacioni policor në Gjilan, në bashkëpunim edhe me Njësinë e urdhëresave të SP-Gjilan, përmes rrugëve operative kanë arritur deri te informacioni mbi vendndodhjen e të dyshuarit H. I. i lindur më (2003) me vendbanim në Gjilan për disa raste të vjedhjeve të rënda.

Nga ana e Policisë së Kosovës Stacioni – Gjilan i dyshuari është lokalizuar dhe arrestuar.

I njëjti është Intervistuar në prani të avokatit mbrojtës ku janë gjetë prova të qëndrueshme se ai dyshohet të jetë i involvuar në këto vepra penale, pas intervistimit mee vendim të Prokurorit të PTH-Gjilan i dyshuari është ndaluar për 48 orë.

Drejtoria rajonale e Policisë në Gjilan do të vazhdojë me realizimin e urdhëresave ndaj personave që ende nuk i janë përgjigjur thirrjes së gjykatave. /2LONLINE/