Arrestohet anëtari i Kryesisë së Vetëvendosjes, Artan Abrashi

Sot, Policia e Kosovës arrestoi në shtëpinë e tij anëtarin e Kryesisë së Lëvizjes Vetëvendosje, Artan Abrashin. “Qeveria e Kosovës tash e sa muaj ka ndërsyer tërë aparatin represiv kundër opozitës, vetëm e vetëm për ta shtypur opozitën. Në këtë mënyrë, Qeveria e Kosovës po tenton që t’i zbatojë marrëveshjet e dëmshme për Republikën e Kosovës, ashtu që t’i përmbushë apetitet e Serbisë mbi Kosovën. Me këto arrestime policia është vënë në mbrojtje të një Qeverie antikushtetuese, ajo po e mbron një pushtet jolegjitim dhe të rebeluar kundër Republikës”, thuhet në njoftimin e Lëvizjes Vetëvendosje.

Përndjekjet dhe arrestimet politike nuk do të na ndalin. Ne do të vazhdojmë protestën derisa të anulohen marrëveshjet, dhe derisa të largohet kjo Qeveri që e ka shkelur Kushtetutën, thuhet në fund të njoftimit të Vetëvendosjes.