Arrestohen tre të dyshuar për konsumim të veprës penale “Falsifikim i parasë”

Arrestohen tre të dyshuar për konsumim të veprës penale “Falsifikim i parasë”

Si rezultat i hetimeve disa mujore dhe aplikimit të masave të fshehta dhe teknike nga Njësia e Krimeve Ekonomike dhe Antikorrupsion në Gjilan, janë siguruar informata të nevojshme dhe me datën 07.02.2018, është ekzekutuar urdhëresa e Gjykatës Themelore në Gjilan, për simulimin e blerjes së parave të dyshuara si të falsifikuara nga personat e dyshuar.

Ismet Hashani, zëdhënës i Policisë së Kosovës (PK), në Drejtorinë Rajonale në Gjilan ka bërë me dije se gjatë realizimit të urdhëresës, me rastin e simulimit të veprës penale, njësitet policore kanë arritur të ndalojnë tre persona të dyshuar, në një pompë të derivateve në komunën e Kllokotit, dhe gjatë kontrollimit të tyre janë gjetur dhe sekuestruar; një armë e llojit bereta, me 6 copë fishekë, para në kartëmonedha prej 192×100 me vlerë të përgjithshme prej 19.200 € (nëntëmbëdhjetë mijë e dyqind) €, të cilat dyshohet të jenë të falsifikuara.

e sponzorizuar

“Vlen të cekët se kjo shumë e parave të falsifikuara do të blihej për 5.000 (pesë mijë) euro para origjinale”, ka thënë Hashani.

Në këtë operacion policor janë arrestuar të dyshuarit:

• B. S. lindur me 1986 m/sh, shtetas i Maqedonisë
• B. R. lindur me 1997 m/sh/k
• B. R. lindur me 1993 m/sh/k

Pas arrestimit të personave të dyshuar, është njoftuar prokurori kujdestar i Prokurorisë Themelore në Gjilan i cili ka lëshuar aktvendim mbi ndalimin e tre të dyshuarave të lartshënuar.

Në foto: Kartëmonedhat që dyshohet se janë të falsifikuara dhe arma e konfiskuar.

KOMENTE