Arrestohen të dyshuarit lidhur me një rast të raportuar ditë më parë si “Shqetësim”

Arrestohen të dyshuarit lidhur me një rast të raportuar ditë më parë si “Shqetësim”

Ismet Hashani, zëdhënës i Policisë së Kosovës (PK), në Drejtorinë Rajonale në Gjilan, duke rikujtuar një rast të mëhershëm ka bërë me dije se ankuesja serbe, shtetase e Kosovës, me banim në Viti, kishte raportuar në policinë e Kosovës, stacionin policor në Viti, se persona të panjohur kanë gjuajtur me gur në dritaret e shtëpisë se saj.

Në vendin e ngjarjes me urgjencë kishin dalë njësitet patrulluese, dhe aty janë gjetur disa copëza të tjegullave në ballkonin e shtëpisë. Sipas ankuese dëme materialë nuk ka pasur por vetëm qe janë shqetësuar anëtarët e familjes.

Tani, sipas zëdhënësi Hashani, njësitet e hetimeve të stacionit policor Viti, pas një pune mirë të organizuar operative kanë identifikuar dy persona të dyshuar shqiptar shtetas të Kosovës të cilët janë arrestuar, nga ana e policisë.

“Dy të dyshuarit janë intervistuar ne prezencë të avokateve, mbrojtës dhe janë gjete prova të qëndrueshme se këta persona janë të involvuar në veprën e cilësuar si “Shqetësim”, ka thënë Hashani.

Ndaj që të dy personave te dyshuar është caktuar masa e ndalimit për 48 orë.

KOMENTE