Arrestohen katër aktivistë të Vetëvendosjes

Siç njofton Lëvizja vetëvendosje, mbrëmë rreth orës 23:00, Policia e Kosovës arrestoi katër aktivistë të saj, tek po shkruanin parulla kundër “Zajednicës”.

Pamundësinë e argumentimit në favor të “Zajednicës”, Qeveria e Isa Mustafës po e shprehë me dhunë e represion, tashmë sistematik, ndaj kundërshtarëve. Prej momentit të nënshkrimit të kësaj marrëveshje e deri sot, pothuajse nuk ka ditë që nuk arrestohen e përndjeken aktivistët e VETËVENDOJSE!-s, thjesht sepse shkruajnë parulla apo shpërndajnë fletushka, thuhet n ëreagimin e Vetëvendosjes.

Sipas saj, kjo gjendje e dhunës është e papranueshme dhe po e tensionon situatën. Qeveria e Kosovës nuk mund ta shuaj pakënaqësinë qytetare, përmes përndjekjeve dhe arrestimeve. Isa Mustafa duhet ta kuptojë që as sistemi i kaluar, pjesë e të cilit ka qenë, nuk ka arritur ta ndalë rezistencën qytetare, përmes represionit.

Aktivistët e arrestuar janë:

1. Arsim Maqastena
2. Artan Krasniqi
3. Faton Shabani
4. Naim Bunjaku