Arrestohen dy persona të dyshuar për veprën penale “Mashtrim”

Stacioni Policor në Viti më datë: 18.05.2022 ka pranuar një ankesë nga një qytetar se në qytetin e Vitisë është mashtruar nga dy persona të dyshuar  të cilët i kanë ofruar një sasi ari për shitje që dyshohet se ishte i falsifikuar, për të cilin viktima ka paguar 1450 €.

Pas raportimit të rastit në vendin e ngjarjes kanë dalë njësitët relevante dhe shumë shpejtë kanë arritur të identifikojë veturën e të dyshuarve që kanë kryer veprën penale të mashtrimit. 

Janë ndërmarrë veprime operacionale në koordinim edhe me njësi tjera policore të kufirit dhe është arritur të ndalohet  vetura me dy personat e dyshimtë në pikën e kalimit kufitar “Hani i Elezit”. 

Njësia e hetimeve, Stacioni Policor në Viti ka intervistuar dy të dyshuarit në prezencë të avokatëve mbrojtës dhe me urdhër të prokurorit të dyshuarit E.B 1955 shtetas i Maqedonisë Veriore dhe T.S shtetas i Maqedonisë Veriore 1946  janë ndalë në mbajtje për 48 orë, njofton Zyra për informim dhe marrëdhënie me publikun e Policisë së Gjilanit. /2LONLINE/