Arkivi historik transferon dokumentet arkivore në depon e re

/2L ONLINE/ – Kryetari i Komunës së vitisë, Sokol Haliti i shoqëruar edhe nga kryesuesi i Kuvendit Komunal Naim Pira, vizituan sot depon e re të Arkivit Historik që vepron në kuadër të Drejtorisë së Kulturës. Me këtë rast kryetari Haliti, shprehu mirënjohje për punën e dobishme që është bërë në transferimin e dokumentacionit në depon e re e cila i plotëson kushtet për lehtësim të shërbimeve dhe ruajtje të dokumentacionit.

Drejtoresha për Kulturë Rini e Sport Kaltrina Sylejmani, ka falënderuar stafin e saj i cili është aktiv dhe ambicioz në kuptimin e rritjes së cilësisë së shërbimeve dhe u shpreh se dokumentet me kaq vlerë siç janë të Arkivit Historik, meritojnë trajtim të veçantë dhe të duhur, por edhe ruajtje dhe përkujdesje të vazhdueshme deri në ofrimin e kënaqshëm të shërbimit.

“Prej ish depos së Arkivit Historik është bartur pjesa më sensitive e materialit arkivor, me vendimin të cilin e ka marrë udhëheqësja e Drejtorisë,. Është bërë një punë e mrekullueshme për neve si zyrtar në këtë sektor por njëkohësisht për lëndën arkivore që tanimë ka një trajtim adekuat” u shpreh Enes Pira, u.d i udhëheqësit të Sektorit të Arkivit Historik.

Arkivi Historik funksionin si sektor në kuadër të Drejtorisë për Kulturë, Rini dhe Sport, dokumentacioni i së cilës ndër vite ishte përballë me rrezikshmëri për shkak të kushteve aspak të mira të depos së saj. /2L ONLINE/

KOMENTE