Arijeta Rexhepi: Në Gjilan do të ndërtojmë objektin e ri të strehimores

Kandidatja për deputete e Lëvizjes Vetëvendosje, Arijeta Rexhepi, bashkë me kryesuesen Krenare Latifi Kqiku vizituan sot Qendrën për Mbrojtjen dhe Rehabilitimin e Grave dhe Fëmijëve “Liria”, ku u mirëpriten nga drejtoresha Nazife Jonuzi.

Rexhepi ka thënë se Qeveria e Kosovës ka siguruar mbështetje të qëndrueshme financiare për strehimoret, duke garantuar vazhdimësinë e kujdesit dhe shërbimeve për gratë viktima të dhunës. Ndërkaq, për pavarësinë e tyre ekonomike, subvencionon 70% të pagës për bizneset që punësojnë gra viktima të dhunës.

“Në Gjilan do të ndërtojmë objektin e ri të strehimores, duke përmirësuar kushtet dhe cilësinë e shërbimeve për gratë dhe fëmijët që kanë nevojë për mbrojtje dhe siguri. Shteti është për krejt”, ka thënë Arijeta Rexhepi.