Aridon Bllaca rinovon kontratën edhe për dy vite të tjera

Sport Club Gjilani ka bërë me dije se ka arritur marrëveshjes me portierin Aridon Bllaca, duke e vënë ‘firmën’ edhe për dy vite të tjera.

Portieri Bllaca i cili njëherësh është edhe produkt i akademisë së klubit do të jetë pjesë e “kuqebardhëve” deri në verën e vitit 2027, duke rinovuar kështu marrëveshjen paraprake.

“‘Gardiani’ gjilanas numëron 35 paraqitje në elitën e futbollit kosovar dhe numëron 11 porta të paprekura. Në total ai ka zhvilluar 3.039 minuta me ekipin e parë”, bëhet e ditur në njoftimin e SC Gjilanit.

Drejtori gjeneral i klubit Syart Rrahmani e ka uruar Bllacën me rinovimin e marrëveshjes dhe i ka dëshiruar shumë suksese në vazhdimësi. /2LONLINE/