Ardita Ukshini synon sërish ulëse në Kuvendin Komunal të Gjilanit

Nazim Gagica, kreu i AAK-së së Gjilanit, njëherësh kandidat për kryetar komune në zgjedhjet që pritet të mbahen në tetor, ka bërë me dije se pjesë e listës së këtij subjekti politik, në garën për asamble komunale, do të jetë edhe Ardita Ukshini.

“Sot kam kënaqësinë ta prezantoj Ardita Ukshinin, kandidatja femër më e votuar në zgjedhjet e kaluara në kuadër të listës së Aleancës për Ardhmërinë e Kosovës”, ka thënë Gagica.

Sipas tij, Ardita po kandidon sërish për Kuvendin Komunal, me synimin që të vazhdojë punën dhe përkushtimin në shërbim të qytetarëve.

“Ajo është zëri i vajzave, grave, familjeve dhe të gjithë atyre që duan një Gjilan më të drejtë, më të zhvilluar dhe më afër njerëzve. Na priftë e mbara”, ka thënë Nazim Gagica, kreu i AAK-së.  /2LONLINE/