Ardian Limani i bashkohet Gjilani

Sport Club Gjilani bënë me dije se ka arritur marrëveshje me futbollistin Ardian Limani, i cili nga sot është zyrtarisht pjesë e familjes kuqe e bardh.

Marrëveshja ndërmjet klubit dhe futbollistit është e vlefshme për dy edicione futbollistike, duke e lidhur Limanin me Gjilanin deri në përfundim të sezonit 2027/28.

“Me përvojën, cilësitë dhe karakterin e tij në fushën e lojës, Ardiani pritet të jetë një vlerë e shtuar për skuadrën në realizimin e objektivave të klubit në sezonet në vazhdim”, thuhet në njoftimin e klubit.

Sport Club Gjilani i uron Ardian Limanit mirëseardhje dhe shumë suksese me fanellën kuqe e bardh, duke besuar se së bashku do të arrijnë rezultate të mëdha. /2LONLINE/