Ardian Azemi pjesë e listës së AAK-së për Asamblenë e Gjilanit

Kandidati për kryetar të Gjilanit nga radhët e Aleancës për Ardhmërinë e Kosovës (AAK), Nazim Gagica ka prezantuar sot kandidatin e radhës për Kuvendin Komunal, Ardian Azemi.

Këtë e ka bërë të ditur vet Gagica përmes një postimi në llogarinë e tij në Facebook.

Postimi i plotë:

Gazetari dhe opinionisti shumvjeçar, njëri nga themeluesit, i riu i atëhershëm i ditëve të para të Aleancës në Gjilan. Maratonik e i pathyeshëm. Ardian Azemi nga sot është pjesë e ekipit tim si kandidat për Asamble Komunale.

Ardiani ka përvojë gati 20 vjeçare në gazetari, opinionist i rregullt e i palëkundur në qëndrime. Përveç gazetar, është edhe jurist. Ardianin e njohin të gjithë përmes reagimeve, opinioneve, dhe sinqeritetit të tij. Është human dhe dëshira e tij është që t’i sheh të gjithë më mirë se veten e tij.

Jam thellësisht i bindur se Gjilani i pas 17 tetorit do të ketë përfaqësues të denjë e në interes të qytetarëve.

Jemi kohë të gjatë bashkë Ardian. Vazhdojmë edhe më fuqishëm!

NG