Arbër Ismajli tregon arsyet pse u bë pjesë e kryesisë së LDK-së

Sot Lidhja Demokratike e Kosovës (LDK), me kryetar  Lumir Abdixhikiun, ka bërë publike edhe emrat e kryesisë së re, ku në këtë mes është edhe ai i Arbër Ismajlit nga LDK-ja e Gjilanit, ish kandidat për kryetar të komunës.

“Me shumë përgjegjësi dhe me zemër të plotë, kam pranuar detyrën si anëtar i Kryesisë qendrore të Lidhjes Demokratike të Kosovës (LDK) Ky është një angazhim që e marr me nder, por edhe me ndjenjë të thellë detyre ndaj çdo qytetari që beson në këtë rrugë”, ka thënë Ismajli, transmeton 2LONLINE.

Ai ka falënderuar kryetarin e LDK-së, Dr. Lumir Abdixhiku, për besimin duke thënë se ky besim është përgjegjësi e madhe për punë të përditshme, përkushtim dhe rezultate për vendin tonë.

“Sot më shumë se kurrë na duhet unitet i përbashkët. Na duhet të jemi bashkë, të fortë dhe të vendosur, për ta rikthyer besimin e njerëzve dhe për ta vendosur LDK-në aty ku e meriton. Unë do të jem gjithmonë pranë njerëzve të sinqertë të këtij vendi, me punë të ndershme dhe me përkushtim të plotë për Republikën që e meritojmë”, ka thënë Arbër Ismajli.   /2LONLINE/