Arban Abrashi emërohet zëdhënës i Qeverisë

Kryeministri i Republikës së Kosovës, Isa Mustafa ka emër ministrin e Punës dhe të Mirëqenies Sociale, Arban Abrashi, në detyrën e zëdhënësit të Qeverisë së Republikës së Kosovës.

Kryeministri Mustafa, në mbledhjen e nëntë të Qeverisë, të zhvilluar të mërkurën, e ka njoftuar kabinetin qeveritar për vendimin e tij për emërimin e ministrit të Punës dhe të Mirëqenies Sociale, Arban Abrashi, në detyrën e zëdhënësit të Qeverisë së Republikës së Kosovës.

“Qeveria e Republikës së Kosovës mbetet e përkushtuar për thellimin dhe avancimin e vazhdueshëm të bashkëpunimit me mediet dhe me shoqërinë civile, në shërbim të transparencës dhe informimit të drejtë të qytetarëve të Kosovës”, thuhet në një komunikatë për media.