Ara me grurë digjet edhe në fshatin Tomancë

/2L ONLINE/ – Policia e Kosovës në stacionin e Ranillugut ka pranuar një informatë lidhur me një zjarr që ka ndodhë në fshatin Tomancë të po kësaj komune. Ismet Hashani, zëdhënës i Policisë së Kosovës (PK), në Drejtorinë Rajonale në Gjilan tha se me t’u pranua informata, njësitet e Policisë së Kosovës me urgjencë kanë dalë në vendin e ngjarjes, ku po ashtu kanë intervenu edhe njësitet e Zjarrfikësve nga Kamenica, të cilët kanë arritur që ta lokalizojnë zjarrin.

Sipas deklaratës së ankuesit besohet se janë djegur rreth 12 ari grurë.

“Polica e Kosovës për mes rrugëve operative ka ardhur deri te informata e qëndrueshme se zjarri i përhapur është shkaktuar nga një i afërm i të dëmtuarit serb shtetas i Kosovës, i cili sipas deklaratës së tij, pasi kishte ndezur disa mbeturina të barit të thatë me qëllim për ta pastruar arën e vetë në moment zjarri ka dal jashtë kontrollit duke e djegur arën fqinje”, ka thënë toger Hashani.

Ai është intervistua dhe lënda procedohet në Gjykatë. /2L ONLINE/
/fotoilustirm/