Anulohet Mbledhja e Jashtëzakonshme e Kuvendit Komunal të Gjilanit
Njësia e Kuvendit ka bërë me dije se është anuluar Seanca e Jashtëzakonshme e Kuvendit Komunal të Gjilanit e paraparë për tu mbajtur më 04.06.2025.
Për në këtë seancë ishte e paraparë një pikë e rendit të ditës: “Draft Rregullorja për organizimin e brendshëm dhe sistematizimin e vendeve të punës në Administratën komunale”, transmeton 2LONLINE.com.
Ndërkohë, kryesuesi i Kuvendit Komunal, Kushtrim Kadriu në një sqarim të tij ka thënë se duke e parë se edhe versioni i përmirësuar i Rregullores ka ende gabime esenciale, ka vendosur të shtyhet seanca e paraparë për nesër.
“Seanca do të mbahet më 12.06.2025, me qëllim që të jepet kohë e mjaftueshme për përmirësimin e saj dhe për të dalë me një rregullore praktike dhe të drejtë për të gjithë shërbyesit civilë”, ka thënë kryesuesi Kadriu. /2LONLINE/