Anulohet koncerti i organizuar për nder të Ditës së Çlirimit
Është anuluar koncerti kulturoro-artistik i organizuar për nder të Ditës së Çlirimit të Kamenicës.
Kryetari i komunës, Qëndron Kastrati tha se në Kamenicë kanë ndodhur ngjarje jo të mira këto ditë.
Brenda pak ditëve kanë ndodhur dy aksidente me fatalitet ku humbën jetën dy persona dhe njëri nga ta është në gjendje jo të mirë shëndetësore.
“Ky rast i rëndë na ka prekur të gjithëve dhe për këtë arsye anulohet koncerti kulturoro-artistik, i paraparë të mbahet sonte për nder të Ditës së Çlirimit të Kamenicës. Uroj që rastet si këto të jenë të fundit për qytetarët tanë dhe të riut që po trajtohet në QKUK, i uroj shërim të shpejtë!”, tha kreu i komunës, Qëndron Kastrati.