Ansambli “Gjilani” u vlerësua me “Vendin e Tretë” dhe fitoi edhe Çmimin ”Trashëgimia e lojës dhe ritualit popullor”

Ansambli i Këngëve dhe Valleve AKV “GJILANI” mori pjesë në edicionin e 24-të të Festivalit Kombëtar Folklorik “Anadrinia Jehon”, i cili u mbajt përgjatë tre netëve me radhë, duke bashkuar 15 grupe artistike nga mbarë vendi dhe diaspora.

Me punë, përkushtim dhe performancë dinjitoze, Ansambli AKV Gjilani u vlerësua me Vendin e Tretë dhe gjithashtu fitoi Çmimin: ”Trashëgimia e lojës dhe ritualit popullor”, dëshmi e përkushtimit të secilit anëtar që dha më të mirën për këtë paraqitje.

Një falënderim i veçantë shkon për të gjithë anëtarët e ansamblit, pa të cilët ky sukses nuk do të ishte i mundur. Përkushtimi, puna dhe dashuria për kulturën tonë u reflektuan në çdo hap skenik, thuhet në njoftimin e AKV “Gjilani”.

Gjithashtu, falënderojmë Këshillin Organizativ të Festivalit, si dhe drejtorin Muharrem Morina, për ftesën dhe mikpritjen që na mundësuan të jemi pjesë e këtij evenimenti të rëndësishëm kulturor, thuhet në njoftimin e AKV “Gjilani”. /2LONLINE/