Fadil KAJTAZI
/2L ONLINE/ – Kërkesa e Bashkësisë Ndërkombëtare, (kryesisht e asaj pjese që e bën shtetin e Kosovës) drejtuar deputetëve te Kuvendit të Kosovës për të votuar amandamentet kushtetuese që mundësojnë themelimin e Gjykatën Speciale është shumë serioze dhe mos administrimi i duhur i kësaj kërkese realisht dridh themelet e shtetësisë së Kosovës.
Ky refuzim, së bashku me imazhin e keq të krijuar nga keq qeverisja e deritanishme, është një input i keq i cili ju krijon armiqve te pavarësisë se Kosovës edhe një fakt për të trumbetuar më shumë për “Kosovën si shtet jofunksional”. Pika në të cilën kanë ardhë gjërat janë analogji e mospranimit të nënshkrimit të Marrëveshjes së Rambujese nga ana e Serbisë e cila për pasoje solli bombardimin 77 ditësh.
Një nënshkrim eventual i palës serbe të kësaj marrëveshje përpos që atë do ta shpëtonte nga bombardimi, do t’i siguronte prezencë policore dhe ushtarake në Kosove. Zgjidhja e “problemit te Kosovës” do të reduktohej në një marrëveshje të tipit të “Ohrit” ose pak më shumë. Një pjesë e madhe e atyre që e refuzojnë Gjykatën Speciale nuk janë në nivelin e përgjegjësisë së deputetit për të kuptuar pozitën e Kosovës dhe të shqiptarëve në tërësi në ndikimet e përgjithshme gjeopolitike dhe gjeostrategjike.
Në fakt, ne shqiptarët në tersi, në hapësirën gjeopolitike të ndikimeve globale edhe si numër, edhe si dije edhe si territor jemi një zero e madhe. Ne kushtet e një konflikti të përmasave të nivelit të kërcënimeve ruse, forcave aleate të bashkuara në NATO, ne nuk kemi potenciale për t’i furnizuar me ujë për pije e lere më shumë.
Një pjesë e këtyre deputetëve të cilët mbi baza patriotike marrin motivin për të refuzuar votimin, ata duhet që se paku për përgjegjësinë që kanë të kenë një grimë dije nga fusha e politikes dhe e historisë për të parë konstalacionin e radhitjes se forcave në gjeopolitikën e re globale ku përmes asaj ballkanike po tentohen të përvijohen, apo të rizgjohen relacione te “fjetura”. Dhe nëse një deputet i Kuvendit të Kosovës, në ditët e sotme nuk është në nivelin për të kuptuar se ekzistenca e Kosovës shtet është e varur jetësisht me “Bonstillin” ai deputet është analfabet politik ose është duke bërë argatin e dreqit.
Nga viti 1922 deri me 1924, me vendim të Lidhjes së Kombeve, edhe Juniku ishte shpallur “Zone Neutrale” dhe përkthyer në rrethanat e sotme ishte një territor me 1244. Kjo ishte një përpjekje e miqve të atëhershëm ndërkombëtarë qe “thiut t’i këputej së paku edhe një qime”. Por nga veprimet “patriotike” që në atë kohe u zhvilluan në Junik, e që një pjesë të madhe u influencuan nga agjentura serbe, miqtë e atëhershëm ndërkombëtarë u bënë nervoz pëer vendimin dhe ndodhi qe “Republika e Junikut” u avullua. Ngjashëm me Kumanovën, nga Juniku me se tri herë u sulmua shteti shqiptar i cili posa kishte nisur të lulëzoj.
Thirrja e ambasadores te SHBA-se, Jakobson, që të votohet Gjykata Speciale është me tepër se thirrje e një miku, ajo duhet konsiderohet thirrje atij qe e ndihmoj lindjen e këtij shteti, pra prindërore. Ata që nuk e kuptojnë janë….?! /2L ONLINE/