‘Anadolu Agency’ shkrim special për sulmuesin e Kosovës
Sulmuesi i Fenerbahçes, kosovari Vedat Muriqi e ka dëshmuar vlerën e tij duke shënuar katër gola në Superligën turke.
Derisa “Kanarinat e Verdha” kanë katër fitore, dy barazime dhe dy humbje në kampionat, Muriqi i cili u transferua nga Çaykur Rizespori te Fenerbahçe në korrik, ka shënuar katër gola në katër fitoret e Fenerit, shkruan “Anadolu Agency.
Sulmuesi i Kosovës ka shënuar kundër Gaziantep FK, Istanbul Basaksehir, MKE Ankaragucu dhe Yukatel Denizlispor.
Fenerbahçe ka pasur tre sulmuesë edicionin e kaluar – Islam Slimani, Roberto Soldado dhe Michael Frey – por ata nuk përmbushën pritshmëritë.
Krahasuar me ata, Muriqi ka dhuruar paraqitje të jashtëzakonshme në Superligën e Turqisë në futboll.
Sulmuesi algjerian Slimani ka shënuar një gol dhe zvicerani Frey ka shënuar tre gola në edicionin e kaluar në kampionat.
Fenerbahçe gjithashtu ka lëshuar pikë, duke barazuar 1:1 me Trabzonsporin, duke humbur 3:1 nga Alanyaspori.