Ambasada amerikane uron Kosovën për anëtarësimin në UEFA

Ambasada amerikane në Kosovë, përmes një postimi në faqen zyrtare në Facebook ka uruar Kosovën për anëtarësimin në UEFA, bashkangjitur me përgjigjen e këshilltarit ligjor të UEFA-s që i dha përfaqësuesit serb, i cili e kundërshtoi anëtarësimin e Kosovës, me arsyen se shteti i ri ballkanik nuk është pranuar ende nga OKB-ja.

“Kombet e Bashkuara nuk kanë kompetenca të njohin shtete, por shtetet njohin shtete. Nëse nuk jeni anëtar i OKB-së, nuk do të thotë se nuk jeni shtet. Katër kriteret që të jesh shtet janë determinimi i një territori, popullata, qeveria dhe aftësia për të arritur marrëveshje me të tjerët. Kështu, anëtaret e Kongresit do të vendosin vetë mbi atë nëse Kosova e meriton të pranohet në UEFA”, është përgjigjur zyrtari i UEFA-s, përgjigje të cilën e ka postuar ambasada amerikane.

http://www.rtklive.com/?id=2&r=69283