Aliu: Turp! Kolegët e Enver Zymberit mbrojtën sot Vuqiqin!

(2L ONLINE) – Vizita e kryeministrit të Serbisë Aleksander Vucic në Kosovë, është kundërshtuar sot edhe nga të rinjtë gjilanas. Të rinjtë që janë pjesë e Këshillit të Veprimit Rinor, studentë e të rinj tjerë, por edhe aktivistë të Vetëvendosjes, me qëllim të bllokimit të rrugës, kishin dal në afërsi të fshatit Pasjan, që gjendet në kilometrin e pestë të rrugës Gjilan-Preshevë, aty ku kryeministri Vuqiq do të përuronte maternitetin për të vazhduar tutje me agjendën e tij. Por, aty kanë qenë edhe policia e Kosovës e cila është përkujdesur ti largojë protestuesit nga aty, dhe, siç shprehet njëri nga protestuesit, Luan Aliu, policia ishte e dhunshme karshi tyre.

Aliu që është aktivistë i Vetëvendosjes në Gjilan i ka thënë Portalit 2L ONLINE, se edhe vet ka pësuar lëndime në këmbë nga goditjet e policisë, por ka e edhe të lënduar të tjerë.

“Sot në orët e hershme të mëngjesit, janë organizua KVRL-ja, aktivistë të Lëvizjes Vetëvendosje dhe disa studentë, për t’ia bllokuar rrugën një njeriut i cili vjen në Republikën e Kosovës, dhe thotë që “Kosova është djep i Serbisë”, kurse policia e Kosovës, në vend që t’i mbrojë qytetarët e saj, ata reaguan në mënyrë të dhunshme për të na shpërndarë, ku disa nga protestuesit janë të lënduar nga goditjet që i kanë bërë pjestarët e njësitit special të Kosovës. Janë koleget e Enver Zymberit që e mbrojtën sot Vuqiqin, ku policia e tij e vrau Enver Zymberin më 26 korrik 2011, në territorin e Kosovës. Turpi ndryshe nuk është!”, është shprehur Aliu i Vetëvendosjes. /2L ONLINE/