Aliu: Nuk besoj në fantazma qoftë edhe “kasperi shpirtmirë”

/2L ONLINE/ – Kuvendi Komunal i Gjilanit i ka 35 anëtarë, ku njëri ndër ta është edhe Sergjan Mitroviq që vije nga komuniteti pakicë serb. Por, në ndërkohë që ai është kuvendar i këtij organi më të lartë në Komunë, i cili zgjidhet në mënyrë të drejtpërdrejtë nga qytetarët, në pajtim me ligjin për zgjedhjet lokale, Mitroviq tani së fundi është zgjedhë kryetar i Komunën paralele të Gjilanit.

Se sa është sfiduese kjo, Portali 2L ONLINE, ka pyetur kolegët e tij nga Kuvendi i Komunës, dhe njëri ndër ta, Avdyl Aliu, shef i Grupit të Këshilltarëve të LDK-së në Kuvendin Komunal të Gjilanit, thotë se në zgjedhjet e fundit të mbajtura në Komunën e Gjilanit, qytetarët e kësaj komune folën shumë bindshëm dhe shumë qartë. Ata thanë, Lutfi Haziri është kryetar i Komunës së Gjilanit .

“Të gjithë ne e vlerësojmë atë çka e tha populli, pra kryetari i Komunës së Gjilanit është Lutfi Haziri dhe nuk ka nevojë me hapë debat në këtë aspekt. Gjithashtu ekziston edhe vlerësimi se “zanatin e kryetarllakut’, është duke e ushtruar me shumë sukses. Edhe kjo punë siç thonë të moçmit, shkon me zanat” thotë Aliu.

Sipas tij, punët e mira të kryetarit të komunës, por edhe të vet Lutën çdo ditë e prekin, për të mirë, qytetarët e komunës, qofshin ata të qytetit, të Zhegrës, Përlepnicës, Cërnicës, Shillovës, Poneshit etj, pa kurrfarë dallimi.

“Qytetari i Komunës së Gjilanit beson në atë që e sheh dhe që e prekë, nuk beson në fantazma, qofshin edhe ato si “Kasperi shpirtmirë”, shprehet në fund Avdyl Aliu, shef i GK të LDK-së në KK të Gjilanit, duke komentuar zgjedhjen e Sergjan Mitroviqit, kryetar i të ashtuquajturës Komunë paralele e Gjilanit, e cila gjendet në fshatin Kufcë të Gjilanit. /2L ONLINE/